Origines
BOISSENIN (Boicenin) – 1427 à Fuans avec Estevenin Boissenin ; 1563 à Guyans-Vennes, où certains ont déjà des surnoms comme George fils de Jehan Boissenin dit Tattu, poursuivi devant la justice de Châtelneuf pour une question de pâturage. En 1574, à Guyans-Vennes, messire Pierre Boissenin est curé de la paroisse, il sera condamné par le parlement de Dole pour avoir voulu faire passer un des paroissiens pour un blasphémateur. Au XVIIe siècle, un Boissenin, venu de Guyans, s’ins- talle comme chirurgien à Trévillers.1
Dans les archives
2B2437
7 septembre 1574
fol° XI XX XVII
Le procureur général en matiere de contravention d’edictz concernant notre saincte foy catholique, propoz malsentans d’icelle, crimes et delictz d’une part
Et
Guillaume Grenot de Guyans Vennes d’autre part.
Certain jour de 1571 estant devant l’église « les pbres nous font entendre qu’ils dient la passion de Dieu par la chair Dieu s’est la passion du diable », le répétant plusieurs fois.
Item pour avoir menassé Pierre Cassard le viel, ses filz, de les tuer d’une arquebuse tenant le chien couché sur le pontet d’icelle.
Item pour le jeudy apres le jour de feste pentechoste dudit temps estant ledit deffendeur devant sa maison avoir dit et proffere telz motz : « ventredieu, chair dieu, fault il que nous soion gouvernez par bastard » et oultre ce « par la chair dieu se vous me croies nous irons mectre le feug a l’eglise, par la mort die si je mourois j’aymerois mieulx estre enterre dessoubz les fourches ue par ses bastard ou cymetiere.
Item pour avoir dict qu’il ne croioit pas que les prebtres heusent pouvoir de consacrer le corps de Dieu au sainct sacrement de l’austel, jurant la chair dieu et oultre ce qu’il failloit mettre le feu en leurs maison ou bien en l’egliseet nous tuons Dieu et ses sanctz et mettronz tout à rien.
Item pour avoir le jour de la feste Dieu de l’an mil cinq cent septeante, estant ledit deffendeur en la maison de Jehan Jacquot use et proffere telz motz « par la chair Dieu, par la mort Dieu, messire Pierre Boissenin assiste a faire la procession dudit jour, je ny assisteray et quant la procession passera devant ma maison je mettray le feug auxx qatre coings d’icelle afin que les gens laissent le prebtre pour aller au secour, ainsy demeurera a seul ledit prebtre.
Item pour il y a envyron douze ou quinze ans, avoir tyré plusieurs coups d’arquebuse contre la porte de Jehan Jacquot dit Esteveney, dudit Guyans,
Item pour avoir dct sont envyron six ans estant en sa maison que par la mort dieu je aymroit mieulx ouyr urler les loups et baller les chievres que d’ouyr chanter les prebtres.
Item pour soub couleur d’avoir charge de visiter les grans chemins avoir par … des habitans dudit Guyans de la somme de trois frans pour les exempter de resparer les grandz chemins au territoire d’illec.
Item pour sont envyron huictz ans avoir eu debat avec Jantot Tatuz dudit Guyan et a force luy avoir oster ung baston a deux boutz, d’icelluy l’avoir frappe et rompu le bras.
Item pour avoir dit à messire Guillaume Grosbois, prebtre, l’appellant bastard, qu’il ne souffrirait que l’eglise dudit Guyans fut desservi par bastard et en presence de personnes dudit Guyans dit tels motz « chair dieu si vous me croyezs, nous mettrons le feug en l’eglise et tuerons Dieu ete ses sainctz.
Item our combien il ne fut officier ny sergent avoir gaige Claude filz fut Jehan Boissenin le viel dudit Guyans et vendu les gages tout publiquement se pourtant officer de sa majesté.
Item pour son evyron douze ans, que fut l’annee que l’on fit feugs de joye audit Guyans pour la victoire que sa majesté avoit heue contre ses ennemys, avoir use de plusieurs propos scandaleux et injurieux.
Item pour sont envyron trois ou quatre ans, estant au lieu de Moustier Haulte Pierre, dict que par la chair dieu, il ne souffriroit jamais que messire Ierre Boyssenin prebtre fut vicaire dudit Guyans, que c’estoit le pire homme du monde et que si l’on le souffroit, qu’il yroit querre ds gens de Neufchastel pour luy aller coupper la gorge en la maison presbiteralle.
Item pour avoir voulssu marchander à Estienne Jacquot dcit Cambardieu dudit Guyans, de brusley la maison de Bassan et que luy bailleroit six frans.
Item pour avoir depuis Pasques de l’annee quinze cens septante et ung heu propoz avec Claude Cassard dudit Guyans de la viet conduicte de messire Pierre Bassaing et dict mordieu ne suit plus ce prebtre, ne poirte pas pour luy d’eaul dedans l’eaubenoistier mais vas plus tost faire ton ordure dedans car il ne merist pas le seaux.
Item il y a envyron ung an et demy estant audit Guyans en ung lieu dit ou prel, proche une maison et forge appartenant à Jehan Tatu, dict et profere ces motz ou les semblables en effect, surce que audit Guyans on sonnoit les cloche pour les ave maria comme l’on a accoustume, qu’a tous les diables soient les cloches l’eglise les ave maria ceulx qu’ils les dient et ceulx pour qui l’on les dict.
Item pour avoir dict le jour de feste saincte Colombe de l’an mil cinq cens septante et ung derrier passe, estant audit Guyans en ung lieu dict ou prel ou danssaietn les jeunes gens ayant sonne les cloches pour l’ave maria, le diable soient ledit ave maria et celluy qui les faict dire.
Item pour a certain jour du moys de may en ladite annee estant au lieu de FUans en la maison Humbert Busson dudit lieu, parlant des reparations que lors il convenoit faire en l’eglise dudit Guyans avoir dict ce qu’il en faisoit n’estoit pour l’amour des prebtres dudit Guyas et qu’il se donnoit austant de diables qu’il y avoit de poilz d’herbes en ses vergers, q’ill vouldroit que lesdits prebtres de Guyans fussent tous les diables comme aussi la maison de la cure dudit Guyans pour leur respect et …
Item pour avoir huictz jours avant la sainct Pierre et sainct Paul l’an mil cinq ces septante et ung entre par force en la maison Estienne Jacuot dict Cambardier et a force et violence blasphemanz la chair et mort dieu et use de menasses prins et distaict de la maison ung pot de cuyvre, une quassotte et ung bassin, luy disant par la chair dieur qu’il avoit depose contre luy et qu’il l’en feroit repentyr.
Item pour certain jour de caresme y a envyron six ans avoir manges du fromage en sa maison audit Guyans ;
Item pur avoir pourte propoz sont envyron cinq ans sur le chemn du Bisot insolent et impudesn de la vierge Marie.
Finalement pour estre tenu et repute communement homme de mauvlais gouvernement, blasphemateur du nom de Dieu
Vu les informations dudict procureur general recour et ampliation d’icelles, responses dudit deffendeur, deffenses, descharges, contredictz et reproches, preuves faictes sur icelles et aulres pieces exhibees par lesdites parties, la cour par arrest renvoye absol a pur et a plain dedit deffenseur de l’impetition et demande du et procureur principal etc
Et pour ce par les deux procedures faictes et dressees contre ledit Grenot, responses et confessions de Jehan de Pierre, Jehan Jacquelin, messire Pierre Boissenin et aultres y examinez et confrontes, il appaire à ladire cour, ledit Jehan de Pierre nobostant qu’il heust heu debat et propos injurieulx contre ledit Grenot et que par ce il luy fut malveillant et ennemy s’estre peu de jours aprs jugere de son auctorite prinse dresse
François Jacquelin d’Orchamps Vennes beaufrère dudit Jehan de Pierre
Ledit messire Pierre Boissenin aurait fait plusieurs indehues sollicitations à aulcuns desdits tesmongs pour deposer faulx contre ledit Grenot
Estienne Jacquot dit Cambredieu avoit en icelle poursuyte pourte plusiers faulx tesmoignages et Guillaume Locard idem
La cour condamne messire Pierre Boissenin, Jehan de Pierre chascung d’eulx a une amende de cinq cens livres et ledit Jehan Jacqueli a une amende de deux cens livres au prouffit de sa majesté, pour les interestz ledit Grenot pretenduz a la somme de mil frans payables savoir par lestis messire Pierre Boissenin et Jehan de Pierre le tiers de mls frans pour la premiere poursuite et et ledit messire Pierre Boisseninn et Jehan Jacquelin les deux aultres tiers pour le faist de la seconde poursuyte icy faicte contre ledit Grenot
Ordonnant que ledit messire Pierre Boissenin tiendra arrest en la maison de l’huissier où il est presentement jusques a l’entier payement de ce a quoy cy cessus il a este condamne,
Et qunt audit Combardieu la cour le condamne d’estr ce jourd’huy es halles de ce lieu conduict sur un escauffault où il demeurera une heure entiere ayant sur sa teste ung escript en grosse lettre contenant FAULX TEMOINS et incontinent aprs ladite heure estre baptu et fusigue de trois cens coups de verges par l’executeur de la haute justice tant audit lieu que en chacun des carrefours jusques a la porte dudit Besancon et au surplus ladite cour le bannyt de ce pays et comte de Bougoigne perpetuelment et ledit Locard pour le temps de trois ans. La cour a requis mandement pour saisir au corps ung nomme Jehan de Bey, jadis maitre d’escolle audit Guyans pour le rendre es prisons de sa majesté en ce lieu et si apres …pour certaines subornations et pour s’estre rendu fugitif de ce pays.
Généalogie des Boissenin dans ma base Geneanet
Lien vers les publications précédentes
Venez compléter votre généalogie en Franche-Comté en vous abonnant à :
- Ch. Monneret. Histoire des noms de famille du Haut-Doubs. ↩︎