Histoire et généalogie dans le Haut-Doubs
Nouveau procès
2B2449
1587
En la cause du procureur substitué de la saincte inquistion appellé et originel impetrant et demandeur en matiere de sorcelerie et vauldoiserie d’une part et Jacques Verjus, de Baulme, detenu prisonnier en la conciergerie de ce lieu appellant et originel deffendeur d’aultre part de la sentence rendue le vingt cinquieme febvrier derrier passé par l’inquisiteur de la saincte foy par laquelle il a banny perpetuellement ledit appellant de la cité et diocese universel de Besancon et comté de Bourrgoigne pour les causes contenues en la sentence.
Pou par ledit deffendeur puis trois ans encea avoir donné une maladie à Jean Beniquel de Baulme par un attouchement à luy faicte par ledit Verjus laquelle maladie luy dura par l’espace de huict jours le tenant du coustel droit dois l’espaule jusques au bas du pied, avec telle douleur qu’il en sembloit qu’on le picquoit avec des aleines, de laquelle maladie il auroit esté guery apres avoir mangé d’ung poutaige faict avec neuf sortes d’herbges cueilies au jardin dudit Jacques Verjus.
Pour aussi avoir donné une maladie à la teste de Jean Fournier dict Tourdin dudit Baulme telle qu’il sembloit qu’on le picquoit avec des aleines, laquelle luy dura l’espace de trois jours apres avoir esté attouché par ledit Verjus et ladite teste en sortant du salut de la grande eglise de Baulme.
Item pour puis enyron trois ans retournant qu’il fesoit du moulin avec Janniton Symonet femme de Hugues Sarroutey avoir usé de menasses envers ladite Jannition luy disant qu’elle se fut bien passee de deposer contre la Claude Poirel sa mere et qu’elle s’en repentiroit et apres lesdites menasses avoir ledit Verjus esté valloir de la grainne en la grange ou reeside ladite Janniton Symonnel et avoir icelluy Verjux usé de tel malefice que le lendemain l’Anthoine fille ladite Janniton fut visiblement jectee contrebas les degres de la dite grange sans qu’on aperceut ce que la poussat etc…
La court met à neant l’appellation dudit appellant sans amande et despens et par nouvel jugement declairant nulle ladite sentence a renvoyé et renvoye ledit appellant pour maladie pretendues avoir estees donnes austid Jean Breniquel, François Perrenot, Adriain Sarroutey et Pierre Couchon et pour les aultres faicts cy devant mentionnes, icelle court le banny perpetutellementde ce peys et comté de Bourgoigne, luy interdisant soy plus y retreuver apres le temps et terme de dix jours etc…
Lien vers les publications précédentes
Venez compléter votre généalogie en Franche-Comté en vous abonnant à :
la liste de discussion emblématique sur la Franche-Comté fondée en 1999 !!!