Nouvelle enquête
Publié le mardi 12 août 2025
2B2431
1567
Cause du procureur général impétrant et demandeur d’une part et Pierre Girardot et Claude Girardot son fils, de Vernierfontaine défendeurs d’autre part.
« pourpar ledit Pierre Girardot ainsi que pretend ledit procureur n’avoir fait le devoir de bon catholique puis quinze ans en deca et puis ledit temps n’avoir esté confessé et moings receu son createur ».
Item « avoir au mois de juillet de l’an mil cinq cens soixante cinq, en l’eglise de Vernierfontaine au grant matin où se treuva le curé dudit lieu, lequel avec ung cousteaul voulsit oultraiger jurant par la chair et sang Dieu qu’il ne mourroit d’aultres mains que des siennes ».
Item « pour ne se tenir à genoux ny oster son bonnet ou chappeaul quant ‘lon dit la messe en ladite eglise et mesme quant l’on leve le precieux corps de Dieu ».
Item « pour avoir à diverses fois dois les Pasques dudit an fait scandale en ladite eglise tant par blasphemmes que jurisons empeschant le divin service ».
Item « es rogations de ladite anne [ mot illisible] que l’on faisoit les processions pour benyr les croix avoir prins et porté la croix de ladite eglise devant le curé d’icelle eglise et en pourtant icelle estant en chemin au millieu du villaige icelle avoir mis sur son col comme une allebarde et impudamment devant tous faisant … ».
Item « pour avoir fait grand bruyt et tumulte en ladite eglise et pres le grand haultel d’icelle en vendant les chandelles sans de vouloir abstenir desdits tumultes ».
Item « pour avoir assailly en icelle eglise messire Jehan Bailli prebtre vicaire de ladite eglise au party de la messe encores revestu d’habis d’haultel en presence de tous les paroichiens et iceluy avoir voulu oultraiger pourtant une espee ».
Item « avoir souvent et tout ordinairement sorty de ladite eglise à l’instant que le curé ou son vicaire faisoit et donnoit de l’eaue benoite de peur d’en recevoir et n’avoir voulu praindre du pain beny de ceux que le distribuoient par ladite eglise ».
Item « pour avoir le jour de dymanche gras dudit an en plain communal dudit Vernierfontaine assailly de parolles injurieuses messire Jehan Regnauldot curé dudit lieu, l’appellant apostat, bagache et aultres semblables injures luy disant ces mots en subsance tu as dit ajourd’huy en ton prosne que l’on chante la chanson que les huguenots ont fait contre les prebtres, je te dis que je l’ay chantee et chanteray en despit de toy, par la chart Dieu, par la mort Dieu, elle est plus veritable que l’evangille et que la chose que prescheur dit jamais en chaire ».
Claude Girardot est renvoyé à l’Officialité.
Pour une partie des faits Pierre Girardot est condamné à cent livres d’amende et Claude Girardot à vingt cinq livres.
Lien vers les publications précédentes
Venez compléter votre généalogie en Franche-Comté en vous abonnant à :
Racines franc-comtoises
https://framalistes.org/sympa/info/racines-franc-comtoises